ތަސައްވުރު/ކުރިމަގު
ތަސައްވުރު
ދިވެހިރާއްޖެއަށް ވަދެ ނިކުމެވާ ދޮރޯށިތައް ބެލެހެއްޓުމާއި، ބައިނަލްއަޤުވާމީ ވިޔަފާރިއާއި ދަތުރުފަތުރަށް އެންމެ ފަހި ލުއިފަސޭހަ މާޙައުލެއް ޤާއިމުކޮށްދިނުމުގައި، ގައުމީ އަދި ބައިނަލްއަޤުވާމީ މިންގަނޑުތަކާއި އުޞޫލުތަކަށް ފުރިހަމައަށް ޢަމަލުކުރާ، ދުނިޔޭގެ ފެންވަރުގެ ކަސްޓަމްސްއަކަށްވުން.
ކުރިމަގު
ދިވެހިރާއްޖޭގެ އިޖުތިމާޢީ އަދި އިޤްތިޞާދީ ދުޅަހެޔޮކަން ދެމެހެއްޓޭނެގޮތުގެ މަތިން، ބައިނަލްއަޤްވާމީ ވިޔަފާރިއާއި ދަތުރުފަތުރަށް ރައްކާތެރި، ފަހި، ލުއިފަސޭހަ މާޙައުލެއް ޤާއިމްކޮށްދީގެން، ތެދުވެރިކަމާއި އަމާނާތްތެރިކަމާއެކު ޤާނޫނާއި ގަވާއިދުތައް އެންމެ ފުރިހަމަ ގޮތުގައި ތަންފީޒުކޮށް، މަސްތުވާތަކެއްޗާއި އަދި ރާއްޖެ އެތެރެކުރުން މަނާތަކެތި އެތެރެވުވުމާއި ބޭރުވުން ހުއްޓުވައި، އަދި އެނޫނަސް ޤާނޫނާއި ގަވާއިދާއި ޚިލާފު ހަރަކާތްތަކަށް ފާރަވެރިވެ ދިވެހިރާއްޖެއަށް ވަދެނިކުމެވާ ދޮރާށިތައް ޙިމާޔަތްކޮށް ރައްކާތެރިކުރުން.
މަގުސަދުތައް
- ދިވެހިރާއްޖެއަށް އެތެރެވެ ބޭރުވާ ފަސިންޖަރުންނާއި، މުދަލާއި، އުޅަނދުފަހަރު ބެލެހެއްޓުމާއި ހިފެހެއްޓުން.
- އިމްޕޯޓް އެކްސްޕޯޓާއި ގުޅުންހުރި ހުރިހާ ކަމެއް ބެލެހެއްޓުން.
- ކަސްޓަމްސްގެ އާމްދަނީ ނެގުމާއި ރައްކާތެރިކުރުން.
- ދިވެހިރާއްޖޭގެ ރައްޔިތުންގެ ރައްކާތެރިކަން ކަށަވަރުކުރުން.
ޒިންމާތައް
- އިމްޕޯޓް އެކްސްޕޯޓް ޑިއުޓީ މުރާޖަޢާކުރުމާއި ޑިއުޓީނެގުން.
- ދިވެހިރާއްޖެއަށް އެތެރެކުރުން މަނާތަކެތި ހިފެހެއްޓުމާއި ޚާއްޞަ ހުއްދަތަކާއެކު އެތެރެކުރެވޭ ތަކެތި ކޮންޓްރޯލްކުރުން.
- ދިވެހިރާއްޖެއަށް އެތެރެވާ ފަސިންޖަރުންނާއި، ފަސިންޖަރުންގެ ފޮށިތަކާއި، ކާރގޯ މުދަލާއި، ޕޯސްޓުގެ ޒަރިއްޔާއިން ރާއްޖެއަށް އަންނަ ހުރިހާ އެއްޗެއް ބަލައިފާސްކުރުން.
- ދައުލަތުގެ އެހެން މުއައްސަސާތަކާއި ގުޅިގެން ދިވެހިރާއްޖެއަށް އެތެރެވާ މީހުންނާއި، މުދަލާއި، ރާއްޖެއިން ބޭރުވާ މީހުންނާއި، މުދާ ކޮންޓްރޯލްކޮށް ބެލެހެއްޓުން.
- އިމްޕޯޓް އެކްސްޕޯޓާ ގުޅޭ އޮޅުވާލުންތައް ދެނެގަތުން.
- ދިވެހިރާއްޖެއިން ފުރާ އަދި އަންނަ މީހުންނާއި، ވައިގެ މަގުންނާއި ކަނޑުމަގުން އަންނަ އަދި ފުރާ އުޅަނދުފަހަރާއި، އެއިން ބޭލޭ އަދި އެރުވޭ މުދާ ބަލައި ކޮންޓްރޯލްކުރުން.
- ބޮންޑެޑް ވެއަރހައުސްތަކާއި ޑިއުޓީ ހިލޭ ފިހާރަތައް ބެލެހެއްޓުން.
- އިމްޕޯޓް އެކްސްޕޯޓްގެ ތަފާސްހިސާބުތައް ބެލެހެއްޓުން.