ކާރގޯ މެނިފެސްޓް
ކަސްޓަމްސްގެ އާންމު ގަވާއިދުގެ ޖަދުވަލު 14 އަދި 15 ގައިވާ ފޯމެޓާއި އެއްގޮތަށް ކަނޑާއި ވައިގެމަގުން ރާއްޖެއެތެރެކުރެވޭ ހުރިހާ މުދަލެއްގެ ސައްޙަ މައުލޫމާތު ހިމެނޭ މެނިފެސްޓް ކަސްޓަމްސްއަށް ހުށަހަޅަންވާނެއެވެ.
ކާރގޯ މެނިފެސްޓް ހުށަހެޅުމުގައި އެޖެންޓުންގެ ޒިންމާތައް
- އުޅަނދުގެ އެޖެންޓަކީ ކަސްޓަމްސްގައި ޝިޕިންގ އެޖެންޓެއްގެ ގޮތުގައި ރަޖިސްޓަރވެފައިވާ މީހަކަށްވުން.
- ކަނޑުމަގުން ނުވަތަ ވައިގެމަގުން ރާއްޖެއަށް އެތެރެކުރެވޭ ހުރިހާ މުދަލެއްގެ ސައްޙަ މައުލޫމާތު ހިމެނޭ އިންވާރޑް އައުޓްވާރޑް މެނިފެސްޓް ހުށަހެޅުން
- ޓްރާންސިޓް އަދި ޓްރާންސްޝިޕްމެންޓް މުދަލުގެ އިންވަރޑް އަދި އައުޓްވަރޑް މެނިފެސްޓް ހުށަހެޅުން.
- މެނިފެސްޓް ހުށަހެޅުމަށްފަހު މެނިފެސްޓަށްގެނެވޭ އުނިއިތުރު ކަސްޓަމްސްއަށް އެންގުން
- ކާރގޯގެ ގޮތުގައި އެއްވެސް މުދަލެއް ނެތްނަމަ، އެކަން އެންގުން
- އިންވާރޑް އަދި އައުޓްވާރޑް މެނިފެސްޓާއި ގުޅޭގޮތުން ކުރެވޭ އެކިއެކި ޖޫރިމަނާއަށްވާ ފައިސާ ދެއްކުން.
މެނިފެސްޓް ހުށަހަޅަންޖެހޭ ވަގުތުތައް
- ކަރގޯ މެނިފެސްޓް ކަސްޓަމްސްއަށް ހުށަހަޅަންޖެހޭ ވަގުތު ގުނުމުގައި ކަސްޓަމްސް ބަންދު ގަޑިތަކާއި ބަންދު ދުވަސްތައް ނުހިމެނޭނެއެވެ.
- ކަނޑުމަގުން ރާއްޖެއަށް އަންނަ އުޅަނދުފަހަރު، އެ އުޅަނދު އެންމެފަހުން ފުރި ބަނދަރަކުން ފުރައިގެން ރާއްޖެއަށް އައުމަށް ހޭދަވާ މުއްދަތު 72 ގަޑިއިރަށްވުރެ މަދުނަމަ، އެ އުޅަނދަކުން ގެންނަ މުދަލުގެ އިންވަރޑް މެނިފެސްޓް އެ އުޅަނދު ރާއްޖެއަށް އައުމުގެ 10 ގަޑިއިރު ކުރިން ކަސްޓަމްސްއަށް ހުށަހަޅަންވާނެއެވެ.
- ކަނޑުމަގުން ރާއްޖެއަށް އަންނަ އުޅަނދުފަހަރު، އެ އުޅަނދު އެންމެފަހުން ފުރި ބަނދަރަކުން ފުރައިގެން ރާއްޖެއަށް އައުމަށް ހޭދަވާ މުއްދަތު 72 ގަޑިއިރަށްވުރެ، އިތުރުވާނަމަ، އެ އުޅަނދަކުން ގެންނަ މުދަލުގެ އިންވަރޑް މެނިފެސްޓް އެ އުޅަނދެއް ރާއްޖެއަށް އައުމުގެ 24 ގަޑިއިރު ކުރިން ކަސްޓަމްސްއަށް ހުށަހަޅަންވާނެއެވެ.
- ވައިގެމަގުން ރާއްޖެއަށް އަންނަ އުޅަނދުފަހަރު އެ އުޅަނދު އެންމެ ފަހުން ފުރި ބަނދަރަކުން ފުރައިގެން ރާއްޖެއަށް އައުމަށް ހޭދަވާ ވަގުތު 3 ގަޑިއިރަށްވުރެ މަދުނަމަ، އެ އުޅަނދުން ގެންނަ މުދަލުގެ އިންވަރޑް މެނިފެސްޓް އެ އުޅަނދު ރާއްޖެއަށް އައުމުގެ 30 މިނެޓު ކުރިން ކަސްޓަމްސްއަށް ހުށަހަޅަންވާނެއެވެ.
- ވައިގެމަގުން ރާއްޖެއަށް އަންނަ އުޅަނދުފަހަރު އެ އުޅަނދު އެންމެ ފަހުން ފުރި ބަނދަރަކުން ފުރައިގެން ރާއްޖެ އައުމަށް ހޭދަވާ ވަގުތު 3 ގަޑިއިރަށްވުރެ އިތުރުވާނަމަ، އެ އުޅަނދުން ގެންނަ މުދަލުގެ އިންވަރޑް މެނިފެސްޓް އެ އުޅަނދު ރާއްޖެއަށް އައުމުގެ 1 ގަޑިއިރު ކުރިން ކަސްޓަމްސްއަށް ހުށަހަޅަންވާނެއެވެ.
- ކަނޑުމަގުން އުޅަނދެއް ދިވެހިރާއްޖެއިން ބޭރަށް ދިއުމަށްޓަކައި ފުރުމުގެ 1 ގަޑިއިރުގެ ކުރިން، އުޅަނދުގައިވާ މުދަލުގެ އައުޓްވަރޑް މެނިފެސްޓެއް ކަސްޓަމްސްއަށް ހުށަހަޅަންވާނެއެވެ.
- ވައިގެމަގުން އުޅަނދެއް ދިވެހިރާއްޖެއިން ބޭރަށް ދިއުމަށްޓަކައި ފުރުމުގެ 15 މިނެޓުގެ ކުރިން، އުޅަނދުގައިވާ މުދަލުގެ އައުޓްވަރޑް މެނިފެސްޓެއް ކަސްޓަމްސްއަށް ހުށަހަޅަންވާނެއެވެ.
- އިންވަރޑް މެނިފެސްޓް ހުށަހަޅަންޖެހޭ ވަގުތުގެ ތެރޭގައި، ހުށަހަޅާ މެނިފެސްޓް ފުރިހަމަނުވާނަމަ، މުއްދަތު ހަމަވުމަށްފަހު، އެމެނިފެސްޓް ނުވަތަ މެނިފެސްޓުގެ ބައެއް ބަލައިގަނެވޭނީ ލޭޓް މެނިފެސްޓުގެ ގޮތުގައި -/3،000 ރުފިޔާގެ ޖޫރިމަނާއާއެކުގައެވެ.