އިމްޕޯޓަރުން
ރީ-އިމްޕޯޓް
ރީ-އިމްޕޯޓް
މުދަލެއް ރީ-އިމްޕޯޓްކުރި ކަމަށް ބެލެވޭނީ، އެ މުދަލެއް ރާއްޖެއަށް އަނބުރާ ގެންނަގޮތަށް ގުޑްސް ޑިކްލަރޭޝަން ނިންމުމަށްފަހު، ރާއްޖެއިން ބޭރަށް އެ މުދާ ފޮނުވާފައިވާ ފަރާތުގެ ނަމުގައި އެ މުދާ އަނބުރާ ރާއްޖެއަށް ގެނައުމުންނެވެ.
ތިރީގައި ބަޔާންކޮށްފައިވާ ޝަރުޠުތައް ފުރިހަމަވާ މުދާ، ރާއްޖެއަށް ރީ-އިމްޕޯޓްކުރާނަމަ، އެ މުދާ، ޑިއުޓީ ނެގުމުން އިސްތިސްނާވާނެއެވެ.
| އެ މުދަލެއް ބޭނުން ކުރުމުން އެ މުދަލުގެ އަސްލަށް ބަދަލު ނާންނަ ނުވަތަ މުދަލުގެ އަސްލަށް ބަދަލެއް ގެނެސްފައިނުވާ އަދި އެ މުދަލުގައި ޖަހާފައިވާ ސީރިއަލް ނަންބަރުުން ނުވަތަ ކޯޑުން އެ މުދަލަކީ ރާއްޖެއިން އެކްސްޕޯޓްކުރި މުދާކަން ސާބިތުވާ މުދާ |
| ސީރިއަލް ނަންބަރުު ނުވަތަ ވަކި ކޯޑެއް އެނގެން ނުހުންނަ ތަކެތި، ވޮރެންޓީގެ ދަށުން މަރާމާތުކުރުމަށްޓަކައި ރާއްޖެއިން ބޭރަށް ގެންދިއުމަށްފަހު، އެ ތަކެތި މަރާމާތުކުރިކަން އެނގޭގޮތަށް ވޮރެންޓީ ދިން ފަރާތުގެ ލިޔުމަކާއެކު، ރީ-އިމްޕޯޓްކުރާ މުދާ |
| ރާއްޖެއިން ބޭރަށް މުދާ ފޮނުވި ތާރީޚުން ފެށިގެން 180 (ސަތޭކަ އަށްޑިހަ) ދުވަހުގެ ތެރޭގައި، ރީ-އިމްޕޯޓްކުރާ މުދާ |
| ރާއްޖެއިން ބޭރަށް މުދާ ފޮނުވި ފަރާތުގެ ނަމުގައި، ރީ-އިމްޕޯޓްކުރާ މުދާ |
| އެ މުދާ ކުރިން ރާއްޖެއަށް އިމްޕޯޓްކުރިއިރު ޑިއުޓީ ދައްކާފައިވުމާއި އެ ފައިސާ ރިފަންޑްކޮށްފައި ނުވުން. |
މަތީގައި ބަޔާންކޮށްފައިވާ ޝަރުޠު ފުރިހަމަނުވި ނަމަވެސް، ދައުލަތުގެ މުއައްސަސާއެއްގެ ހުއްދައާއެކު ރާއްޖެއިންބޭރުގައި ބާއްވާ އެކިއެކި ފެއަރތަކާއި މައުރަޒު ފަދަ ކަންތައްތަކަށް، އެކަމެއް ނިމުމުން އަނބުރާގެންނަ ގޮތަށް ރާއްޖެއިން ބޭރަށް ގެންދާ ތަކެތި، ރީ-އިމްޕޯޓްކުރާއިރު ޑިއުޓީ ނެގުމުން އިސްތިސްނާވާނެއެވެ.
ރީ-އިމްޕޯޓު ގުޑްސް ޑިކްލަރޭޝަން ފުރިހަމަ ކުރާއިރު، ކުރިން ފުރިހަމަ ކުރި އަސިކުޑާ ވަރލްޑްގެ ޑިކްލަރޭޝަން ޓެބް އެކްސްޕޯޓް ޑިކްލަރޭޝަނެއްގެ ގޮތުގައި ފުރިހަމަކޮށް މި ފޯމާއެކު ރީ-އިމްޕޯޓު ޑިކްލަރޭޝަން ފޯމު އެޓޭޗްކުރަންވާނެއެވެ. އަދި ގުޑްސް ޑިކްލަރޭޝަނާއެކު އަންނަނިވި ލިޔެކިޔުންތައް ހުށަހަޅަންވާނެއެވެ.
| އަގު ކަނޑައަޅާފައިވާ އިންވޮއިސްގެ ކޮޕީ |
| ޕެކިންގ ލިސްޓް |
| ބީ.އެލް ނުވަތަ އެއަރވޭ ބިލް |
| ޑެލިވަރީ އޯޑަރ |
ރީ- އިމްޕޯޓް ކުރެވޭ މުދަލުގެ ލިޔެކިޔުންތައް ވެލުއޭޝަން ޑޮކިއުމެންޓޭޝަންއިން ނިންމުމަށްފަހު މުދާ ދޫކުރުމަށް އެދި ކާގޯ އެގްޒަމިނޭޝަނަށް ތިރީގައިވާ ލިޔެކިޔުންތައް ހުށަހަޅަންވާނެއެވެ.
| ފައިސާ ދެއްކި އެސެސްމަންްޓް ނޯޓިސްގެ އަސްލު |
| ކަސްޓަމްސްއަސް ފައިސާދެއްކި ރަސީދުގެ ކޮޕީ |
| މުދަލުގެ ޑެލިވަރީ އޯޑަރުގެ 3 ކޮޕީ |