އިމްޕޯޓަރުން
ކަސްޓަމްސްގެ މެދުވެރިން
ކަސްޓަމްސްގެ މެދުވެރިން
ކަސްޓަމްސް މެދުވެރިންގެ ގޮތުގައި ރެޖިސްޓްރީވުމަށް ކުންފުނިތަކުން ތިރީގައިވާ ޝަރުތުތައް ފުރިހަމަވާން ޖެހޭނެއެވެ.
ކަސްޓަމްސް މެދުވެރިންގެ ލައިސަންސް ހޯދުމަށް ޖަދުވަލު 27 ގައިވާ ފޯމާއިއެކު ތިރީގައިވާ ލިޔެކިޔުންތައް ހުށަހަޅަންވާނެއެވެ.
ރަޖިސްޓްރޭޝަން ފީ އަދި ކުންފުނީގެ އަހަރީ ފީ ކަސްޓަމްސްއަށް ދައްކާފައިވާނަމަ ފޯމް ހުށަހަޅުއްވާތާ 7 ދުވަސް ތެރޭގައި (ބަންދު ދުވަސް ނުހިމެނޭގޮތަށް) ލައިސަންސް ލިބޭނެއެވެ.
*ނޯޓު: ލިޔެކިޔުންތަކުގެ އޮރިޖިނަލްތައް ވެރިފައިކުރުމަށްފަހު ވަގުތުން އަނބުރާ ރައްދުކުރެވޭނެއެވެ.
ކުންފުންޏަކީ އިމްޕޯޓް/އެކްސްޕޯޓް ވިޔަފާރިއެއް ނަމަ، ކުންފުންޏަށް ކަނޑައެޅިފައިވާ "ސީ" ނަންބަރު ކެންސަލްކޮށްދިނުމަށް އެދި ސިޓީއަކުން ހުށަހަޅަންވާނެއެވެ. އަދި ކުންފުނީގައި މަސައްކަތްކުރާ އެއްވެސް މުވައްޒަފަކީ (ޑިރެކްޓަރުންނާއި އެހެނިހެން މުވައްޒަފުން ހިމެނޭ ގޮތަށް) އިމްޕޯޓް/އެކްސްޕޯޓް ވިޔަފާރިކުރާނެ މުވައްޒަފެއް ނޫންކަން ބަޔާންކޮށްދޭ ލިޔުމެއް ހުށަހަޅަންވާނެއެވެ.
ކަސްޓަމްސްގައި ރަޖިސްޓްރީ ކުރެވޭ ކޮންމެ މެދުވެރިއަކަށް އަހަރަކަށް ހިލޭ 5 ފާސް ދޫކުރެވޭނެއެވެ. 5 ފާހަށްވުރެ އިތުރުވާނަމަ، އިތުރުވާ ކޮންމެ ފާހަކަށް ކަސްޓަމްސްގެ ޢާންމު ގަވާއިދުގެ ޖަދުވަލު 36 ގައިވާ ގޮތުން ފާސް ހަދައިދިނުމުގެ ފީ 200 ރުފިޔާ ދައްކަންޖެހޭނެއެވެ.
ތަމްރީނު ޕްރޮގްރާމްތަކުގެ އިދާރީ ފީ | 2000 ރުފިޔާ |
ފާސް ހެއްދުމަށް ނެގޭ ފީ | 200 ރުފިޔާ |
ރެޖިސްޓްރޭޝަން ފީ | 500 ރުފިޔާ |
އަހަރީ ފީ | 3500 ރުފިޔާ |
ކަސްޓަމްސްގެ ޢާންމު ގަވާއިދުގެ ޖަދުވަލު 36 ގައިވާ ގޮތުގެ މަތިން ކަސްޓަމްސް މެދުވެރިން ރެޖިސްޓްރީކޮށްދިނުމުގެ ފީ ކަމަށްވާ 500 ރުފިޔާ، އަދި ކަސްޓަމްސް މެދުވެރިންގެ އަހަރީ ފީ ކަމުގައިވާ 3500 ރުފިޔާއާއި އެކު ޖުމްލަ 4000 ރުފިޔާ މިޚިދުމަތަށް ދައްކަންޖެހޭނެއެވެ.